Lyrics of Yuge Atthaavisa from album Ganapati Aarti

युगे अठ्ठावीस

युगे अठ्ठावीस विटेवरी उभा ।
वामांगी रखमाई दिसे दिव्य शोभा ॥
पुंडलिकाचे भेटि परब्रह्म आले गा ॥
चरणी वाहे भीमा उद्धारी जगा ॥ १ ॥

जय देव जय देव जय पांडुरंगा, हो हरि पांडुरंगा ।।
रखुमाईवल्लभा राईच्या वल्लभा पावे जिवलगा ।।धृ।।

तुळसीमाळा गळां कर ठेवुनि कटीं ।
कांसे पीतांबर कस्तुरी लल्लाटी ॥
देव सुरवर नित्य येती भेटी ॥
गरुड हनुमत पढे उभे राहती ॥२॥ जय...

धन्य वेणूनाद अनुक्षेत्रपाळा ॥
सुवर्णाची कमळे वनमाळा गळा ।।
राई रखुमाबाई राणीया सकळा ॥
ओवाळीती राजा विठोबा सावळा ॥३॥ जय....

ओवाळू आरत्या कुर्वड्या येती ।
चंद्रभागेमाजी सोडुनिया देती ॥
दिंड्या पताका वैष्णव नाचती ॥
पंढरीचा महिमा द्वारकेचा महिमा वर्णावा किती ॥४॥ जय...

आषाढी कार्तिकी भक्तजन येती, हो साधुजन येती ॥
चंद्रभागेमाज स्नाने जे करिती ॥
दर्शनहळामात्रे तयां होय मुक्ती ॥
केशवासी नामदेव, माधवासी नामदेव
भावें ओवाळिती ॥॥५॥ जय...