Lyrics of Yeo Vithhale Majhe from album Ganapati Aarti

येई हो विठ्ठले माझे

येई हो विठ्ठले माझे माउलीये ॥
निढळावरी कर ठेवुनि वाट मी पाहें ॥ धृ ॥

आलिया गेलिया हातीं धाडी निरोप |
पंढरपुरी आहे माझा मायबाप ॥१॥
येई हो विठ्ठले..

पिवळा पीतांबर कैसा गगनी झळकला ।
गरुडावरी बैसोनि माझा कैवारी आला ॥२॥
येई हो विठ्ठले...

विठोबाचे राज्य आम्हां नित्य दिपवाळी ॥
विष्णुदास नामा जीवें भावें ओवाळी ॥३॥
येई हो विठ्ठले..

असो नसो भाव आम्हां तुझिया ठाया ।
कृपादृष्टि पाहे माझ्या पंढरीराया ॥४॥
येई हो विठ्ठले..