Lyrics of Sanj Vel Chya Re Varya from album Gajtiya Dhol

8. सांज वेळच्या रं वार्‍या

  सांज वेळच्या रं वार्‍या, जा रं नंदावहिनी कडं ।
जाऊनीया सांग तिला, माझ्या मनाची रे गोठ ॥धृ॥

  जगा मंदी खरं न्हाई, मी गं हाय लेकुरवाळी ।
मागते गं तुझी छाया, माझ्या सर्व घरावरी ॥१॥

  माझे माहेर सुटले, बापे सासरी धाडीले ।
काळजी गं माहेराची, माझे मन कातरते ॥२॥

  तुझे रुप आठवता, होई जीवाला शांतता ।
भिती भविष्याची जाई, तुझी भक्ती आचरिता ॥३॥

  आईचं गं मनोगत, तुझ्या वीण कोण जाणे ।
घालमेल हृदयाची, सांगते गं प्राणपणे ॥४॥

  बाईच गं कसं जीणं, चारी बाजू येई शिणं ।
घ्यावया आराम, नाही कोणी तुजवीण ॥५॥