Lyrics of Nilya Nilya Abhalala from album Pipasa Pasarali

निळ्या निळ्या आभाळाला

निळ्या निळ्या आभाळाला झुला झुलतो विजेचा
झुल्यावरी झुलतो माझा अनिरुद्ध सावळा गं अनिरुद्ध सावळा ॥ धृ ॥

वामांगी बैसलीसी नंदामाई कोमलांगी
माऊली विश्‍वाची योगमाया मायावती ॥ १ ॥

मिटलेले डोळे त्याचे ओठी बासरीची धुन
सांडताना सूर सावरत नंदाईला ॥ २ ॥

झोका जाई उंच उंच, उंच आकाशाच्या वर
सोनसळी शेला त्याचा सांडतो क्षितिजावर ॥ ३ ॥

झुलझुलता झोक्यात राधा जाहली सावळी
मोरपिसावर आली सोनकळा केशराची ॥ ४ ॥

कैसा खेळ देवा तुझा डोल डोलवी ब्रह्मांडा
साधी म्हणे मायबापा चरणांसी ठेवी नाथा ॥ ५ ॥