Lyrics of Mate Darshan Matre Prani Uddharisi from album Ganapati Aarti

माते दर्शनमात्रे प्राणी उद्धरिसी

माते दर्शन मात्रे प्राणी उद्धरिसी ।
हरीसी पातक अवघे जग पावन करिसी ।
दुष्कर्मी मी रचिल्या पापांच्या राशी ।
हर हर आता स्मरतों गति होईल कैसी ॥१॥

"जय देवी जय देवी जय गंगामाई ।
पावन करि मज सत्वर विश्वाचे आई ||धृ||

पडले प्रसंग तैशी कर्मे आचरलो ।
विषयांचे मोहानें त्यातचि रत झालो ।
ज्याचे योगें दुष्कृत सिंधुत बुडालो ।
त्यांतून मजला तारिसी ह्या हेतूने आलो ||२|| जय देवी...

निर्दय यमदूत नेती त्या समयी राखी ।
क्षाळी यमधर्माच्या खात्यातील बाकी ।
सत्संगति जन अवघे तारियल त्वा की ।
उरलों पाहे एकचि मी पतितांपैकी ॥३॥ जय देवी...

अघहरणे जय करुणे विनवीतसे भावें ।
नोपेक्षी मज आतां त्वत्पात्री घ्यावे ।
केला पदर पुढें मी मज इतुकें द्यावे ।
जीवें त्या विष्णुच्या परमात्मनि व्हावे ॥४॥
जय देवी ...