Lyrics of Dhanya Dhanya Bapu from album Gajtiya Dhol

1. धन्य धन्य बापू सत्वगुणी

धन्य धन्य बापू सत्वगुणी, आहे चक्रपाणी ।
गोड त्यांची वाणी, अमृतघट भक्तजना पाजतात।
भक्ताचे सामर्थ्य देतात, भक्तांचे हात तया जुळतात, जी जी जी ॥ धृ॥

त्रिपुरारी पौर्णिमेला आले, जन्मा घातले ।
बाळकृष्ण आले, धन्य ते माय-बाप झाले ।
अनिरुध्द नाव त्यांचे ठेवीले ।
कृष्णलीला सकल जना दावितात, जी जी जी ॥१॥

कलेकलेने बाळ वाढले, शेषासवे खेळे ।
ध्यानी नाही आले, पोटी हे देव जन्मा आले ।
भाग्यवान माय-बाप झाले ।
माय-बाप उतराई होतात, जी जी जी ॥२॥

अनिरुध्द मोठे हो झाले, प्रयत्न केले ।
डॉक्टर हो झाले, दिन दुबळ्यांची सेवा करण्या ।
उद्धरण सकल जना करण्या ।
भक्तांना आशिष ते देतात, जी जी जी ॥३॥

झाले हात दोनाचे चारऽ वहिनी सुंदर कष्टाळु फार ।
बापूंचे ऐकून सुविचार, प्रपंची परमार्थ करितात ।
जणू लक्ष्मी विष्णू शोभतात, जी जी जी ॥४॥
लक्ष्मीला झाली दोन बाळे ।
वंशवेल फुले, संसार तो खुले ।
बापू ही धन्य धन्य झाले ।
बाळांना विद्यार्जन दिधले ।
बाळे आज्ञापालन करितात, जी जी जी ॥५॥

बापू प्रपंचात गुंतला, परमार्थ केला ।
साई भेटला, गुरुने उपदेश केला ।
बापू हरि नामात रंगला, जगाचा उद्धार करण्या, जी जी जी ॥६॥

पूर्णब्रह्म बापू ही झाले, सुचितदादा आले ।
कार्य एक केले, सकलजना भक्ती मार्गा दावितात ।
मुक्तकंठाने ग्वाही देतात ।
अशक्य काही नाही जगतात, जी जी जी ॥७॥

रसयात्रा करू लागले, भक्त रंगले ।
बापू हासले, समर्थ साईराम दिसले ।
विठ्ठल शिवकृष्ण भेटले, भाव तसा देव भेटवितात, जी जी जी ॥८॥

चुक माझी पदरात घ्यावी, आज्ञा मला द्यावी ।
बहिण मानावी, अनिरुध्दा काय मी गुण गाऊ ।
क्लेशनिवारण करण्या ये तू ।
मनाला समर्थ करुनी तू ।
समर्थ सद्गुरु मज भेटतात, जी जी जी ॥९॥